له‌سه‌رهێل 77
شه‌ممه‌ 27 خه‌رمانان 2721
سازمانی خه‌باتی کوردستانی ئێران
یادی 37 ساڵەی شەهید بوونی شەهیدی سەركردە مامۆستا سەید خەلیلی شەریفیان

نوسەر: بابەشێخ حسێنی

لە پێ دەشتەكان، لە چیاكان، لە ھەر شارو گوندێكی ئەم نیشتمانە یادی مرۆڤە گەورەو بە وەجەكان دەكرێتەوە.

ئەو نیشتمانە ڕەنگینە ئەو نیشتمانە لە بەر دڵانە، لانكەی شێرە پیاو ، شێرە ژنانی تێكۆشەرە كە گیانیان فیدای ئازادی گەل و نیشتمان كردوە.

شێرە مەردی ھەموو ناوچەو گوندو شاری نیشتمان، شێرە مەردی سەردەشتی جوان و ھەزار رەنگ، شێرە مەردی مەھاباد و بانە، خۆێندكاری حوجرە و مەدرەسە،ڕێنوێن و مامۆستاو پێشەنگ، كرێكارو سەردەرچووی كاری جودا جودا و ھەژارێكی دڵسۆزو یارمەتی دەری ھەژاران بوو.

جێگەی متمانەی گەورەو بچوك و خزم و نزیكانی بوو،بەڵێ ئەو مەردی ھەموو دەڤەرێك و ھەموو سەردەم و كات و وەرزێك بوو،ئەو مامۆستاو پێشڕەومان بوو ، ئەو گەورەو سەروەر سەربەرزی گەل و نیشتمان و سازمانی خەبات ی كوردستانی ئێرانە.

لە ھەر بستێكی نیشتمانی ڕەنگین، خوێنی پیرۆزی ڕۆڵەێكی گەل و نیشتمان بە دەستی ھێزی غەدرو داگیر كەر ڕژاوەو كەم شوێنی ئەم نیشتمانە ھەیە داستانی گەورەو بەرخودانی كەم وێنەی تێدا تۆمار نەكرابێ.

خوێنی گەشی شۆڕەسوارانی نیشتمان، ڕۆڵەكانی گەل،ھەوێنی بەردەوامی شۆڕش و جوڵانەوە حەقخوازانەی گەلی كوردە.نەتەوەیەك كە خاوەنی تێكۆشەران و سەركردەی وەك مامۆستا سەید خەلیل شەریفیان ڕێبەرو سەركردەو شارەزای سیاسی،كە نە زیندانەكانی رژیمی شا چۆكی پێدادا و ھەڕەشەكانی رژیمی خومەینی توانی لە شۆڕش و بڕیار بۆ تێكۆشان و خەبات پاشگەزی بكەنەوە.

گومان نیە كە شۆڕشی ماف خوازانەی گەلی كورد یەكێكە لە ڕەواترین شۆڕشەماف خوازەكانی جیھان و گەلی كورد ستەملێكراوترین نەتەوەیە كە بە شێوەێكی ئاشتیانە داوای مافە زەوتكراوەكانیكردوە، بەڵام بە داخەوە لە لایەن دەسەڵاتە سەرەڕۆ و دیكتاتۆرەكانی وەڵامی داواكانی كورد بە شەڕو ھەڕەشەو ھێرشی سەربازی بۆ سەر كوردستان و دانیشتوانی دەست پێ كردوە.

ملھوڕیی حكومەتە ستەمگەرەكان لە ئێرانداو بە تایبەت سەڕەڕۆیی و جینایەتكاری و حەق نەبیستی خومەینی وكاربەدەستانی  رژیمی داگیركەری ئاخوندی، گەلی كوردی ناچار كردوە كە دەست بداتە شۆڕش و لە ماوەی چەندین دەیە شۆڕشی ڕەوادا، سەدان ڕۆڵەی كورد شەھید بوون و بە خوێنی پیرۆزو پاكیان ڕەوایی جوڵانەوەی مافخوازانەی كوردی سەلماندو ھەروەھا بەو گشتە وێرانی و جینایەتكاریە لە كوردستان ئەنجامیان داوە ئەو ڕاستیەی سەلماندوە كە گەلی كورد ھیچ ڕێگەێكی نیە بێجگە لە بەردەوام بوون لە شۆڕشی مافخوازانە تا گەیشتن بە رزگاری مافی ڕەوا.

سەروەرانی گەل، شەھیدانی ڕووسووری ڕێگەی ئازادی باڵا نوێنی نیشتمان و دانیشتوانین و تا تێكۆشەران و قارەمانانی ڕێگەی ئازادی و رزگاری ھەبێ ھیچ كات دژمنان و دەسەڵاتە دیكتاتۆرەكان ناتوانن بە ئاسانی حوكمی ناڕەوایان بە سەر نیشتماندا بەردەوام بێ.

لە ماوەی چوار دەیە تێكۆشان و فیداكاری سازمانی خەبات ی كوردستانی ئێران، لە ڕێگەی ڕزگاری نیشتمان و لە بەرانبەر ڕژیمی سەرەڕۆی ئاخوندی سەدان پێشمەرگەو ڕۆڵەی تێكۆشەری گیانی پاك و پیروزیان فیدای ئازادی كردوە كە لە ڕیزی ئەو شەھیدە گەورانەدا مامۆستا سەید خەلیل شەریفیان یەكێك لە ھاوكارو یارەكانی مامۆستا سەید جەلال حوسەینی و ھەروەھا یەكێك لە دامەزرێنەرانی سازمانی خەبات و ئەندامی دەفتەری سازمان بوو كە ھەم لە دەورانی دەسەڵاتی شادا بەردەوام بوو لە تێكۆشان و ھەم لە دوای بە دەسەڵات گەیشتنی حكومەتی ئاخوندی لە بەرخودان و شۆڕش و ڕێبەرایەتی كردنی شۆڕش و سازمانی خەبات دەوری سەرەكی گێڕا.

مخابن لە رۆژی ۱۲ی خەزەلوەری ۱۳٦۰، لە شەرێكی قورس و لە هێرش بۆ سەر هێزەكانی رژێمی داگیركەری ئاخوندی، لە گوندی دەرگای شێخان لە ناوچەی بانە شەهید بوو و ئاڵای شەكاوەی رێبازەكەی بە دیاری بۆ هاورێكانی بەجێ هێشت.

 

لە یادی 37 ساڵەی شەھادەتی فەرماندەو سەركردەی مەیدانی خەباتی سیاسی و نیزامی مامۆستا سەید خەلیل شەریفیان سڵاو دەنێرین بۆ ڕۆحی پاكی و یادی ھەمیشە بە بەرزی  دەمێنێتەوە، ڕێبازی پیرۆزی تا گەیشتن بە ئامانجەكانی گەلی كورد بەردەوام دەبێ و سازمانی خەبات وەك ھێزی پێشڕەوی خەباتی مافخوازانەی نەتەوەیی و نیشتمانی و شۆڕشی ئازادیخوازانە لە بەرانبەر ڕژیمی خومەینی تێكۆشانی خۆی بەرەوپێش دەبات.
ڕێکه‌وت: 2018-09-04 09:25:20
به‌شی ( شه‌هیدان )





دیمانه

سیاسی