دوانیوەرۆی ڕۆژی دووشەممە، 19ی خەرمانانی 1397 شاندێكی سەركردایەتی سازمانی خەبات ی كوردستانی ئێران  بەشدارییان لە پرسەی شەهیدانی پەلامارە ترۆریستیەكەی رژیمی ئێران بۆسەر بارەگاكانی هەردوو حیزبی دیموكراتی كوردستان و حیزبی دیموكراتی كوردستانی ئێران كرد

رۆژی  ٨ی سێپتامبری ٢٠١٨ ناوەند و بنكەكانی دەفتەری سیاسی هەردوو لایەنی حیزبی دیموكراتی كوردستانی ئێران و حیزبی دیموكراتی كوردستان كەوتنە بەر هێرشی مووشەكی و ئاسمانی ڕێژیمی ئاخوندی ئێران و ژمارەیەك لە ئەندامانی ڕێبەری و كادر وپێشمەرگەی هەردوو لایەنەكە شەهید و برینداربوون.  

شاندی سازمانی خەبات بە سەرپەرشتی سەید كامیل نورانی فەرد ئەندامی دەفتەری سیاسی و هاوریەتی بەرێزان خاتوو زێنەب حوسێنی، خاتوو شیلان محەممەدی و كاك شۆڕش حاجی ئەندامانی كومیتەی ناوەندی سازمانی خەبات لە نزیكەوە چاویان بە بەرپرسانی هەردوو لایەنی حیزبی دیموكرات كەوت و سەرەخۆشی و هاوخەمی سازمانی خەبات و سكرتێری گشتیان پێراگەیاندن و هەروەها ئامادەیی خۆیان بۆ هەر جۆرە یارمەتیەك پیشاندا.  

جێگەی باسە شاندی رێكخراوی ئافرەتانی خەبات ی كوردستان بەشدارییان لە پرسەی ژنان كرد و لە نزیكەوە چاویان بە خانەوادە و كەس و كاری شەهیدان و  هاوخەمی خۆیان بۆ ئەو كۆستە گەورەیە دەربری.

ڕێکه‌وت: 2018-09-11 08:06:46
به‌شی ( چالاکیه‌کان )