رۆژی شەممە 15ی سێپتامبری 2018 لە شاری ژنێڤ كوردانی نیشتەجێی وەڵاتی سوییس ئاكسیۆن و گردبوونەوەیەكی نارەزایەتیان لەپێوەند بە لەسێدارەدانی ژمارەیەك چالاكی سیاسی كورد و هێرش و پەلاماری مووشەكی بۆسەر بنكە و بارەگاكانی هەر دوو لایەنی حیزبی دیموكرات لە شاری كۆیە، بەرێوبرد.

لەو ئاكسیۆنەدا ژمارەیەك پەیام و دروشم بۆ مەحكوم كردنی هەوڵەكانی ئەم دواییەی رژیم پێشكەش كران، كە تیایاندا داوا لە كۆمەڵگەی نێونەتەوەیی بەتایبەت وەڵاتی سوییس كرا چاو لە جینایەتەكانی رژیمی ئێران لە بەرامبەر بزوتنەوەی كورد و ئازادیخوازان نەچۆشن و بە پێوەندیەكانیاندا لەگەڵ ئەو رژیمە شەرئەنگێز و دواكەوتووە بچنەوە.

لەو نارەزایەتیەدا ژمارەیەك لە ئەندامان و دۆستانی سازمانی خەباتی كوردستانی ئێران بەشدار بوون و پەیامی كۆمیتەی سوییسی سازمان لەلایەن كاك ئازادی حوسێنزادە بەرپرسی كۆمیتەوە پێشكەش كرا. 

شایانی گوتنە لەماوەی یەك حەوتووی رابردوو لە زۆربەی وەڵاتانی ئوروپایی و ئەمریكا گردبوونەوەی نارەزایەتی دژ بە پەلاماری بنكە و بارەگای هێزەكانی كوردستانی ئێران لە هەرێمی كوردستان و جێبەجێ كردنی حوكمی ناعادڵانەی ئێعدامی لاوانی كورد، بەرێوەچوو وە داوای فشاری زیاتریان بۆ سەر رژیمی ئێران كرد كە چیتر نەتوانێ‌ دەستدرێژی و جینایەتی هاوشێوە بخولقێنێ.

ڕێکه‌وت: 2018-09-16 20:21:49
به‌شی ( چالاکیه‌کان )