له‌سه‌رهێل 92
دووشه‌مه‌‌ 3 خه‌زه‌ڵوه‌ر 2721
سازمانی خه‌باتی کوردستانی ئێران
پێشوازی سکرتێری گشتی سازمانی خەباتی کوردستان لە شاندێکی کۆمەڵەی شۆڕشگێری زەحمەتکێشان

 بەرێز کاک بابەشێخی حسێنی سکرتێری گشتی سازمانی خەبات ی کوردستانی ئێران وێرای شاندێکی هاورێی لە بارەگای سەرکردایەتی پێشوازیی لەشاندێکی دەفتەری سیاسی کۆمەڵەی شۆڕشگێری زەحمەتکێشان کرد 


لەو دیدارە دۆستانەیە دا چەندین تەوەری جێی بایەخی دوو لایەن قسە و ئاڵوگۆری بیرورای لەسەر کرا. بەرێز کاک بابەشێخ حسێنی سکرتێری گشتی سازمانی خەبات لەسەرەتای دیدارەکە دا وێرای بەخێرهاتنی گەرمی شاندی میوان لەسەر چەندین باسی گرینگی رۆژ وەک دۆخی ئێستای ئێران و جوڵانەوەی رزگاریخوازانەی کورد و پێوەندییەکانی نێوان هێز و ولایەنە سیاسیەکانی کوردستانی ئێران، هەڵویست و بۆچوونەکانی سازمانی خەباتی هێنایە بەرباس. كاك بابەشێخ پێكهاتنی ناوەندی هاوكاری حیزبەكانی كوردستانی ئێرانی بە گرینگ زانی و  كارو چالاكی  ئەو ناوەندەی  لە ماوەی دووساڵی رابردوو بە سەركەوتوو زانی،بە تایبەت كە كارەكانی ناوەندی هاوكاری لە سەر بنەمای تەوافق و رێكەوتنی نێوان لایەنەكانی پێكهێنەری ناوەند دارێژراوەو، ناوەندی هاوكاری تێكۆشانی بۆ دەستەبەر كردنی مافەكانی گەلی كوردو روخانی رژیمی ئاخوندی و دەستەبەركرانی حكومەتی دیموكراتیك و سكولار لە ئێراندایە.لە بەشێكی دیكە لە قسەكانی بەرێزیان، هاوپەیمانی نێوان سازمانی خەبات و سازمانی موجاهیدینی خەڵقی ئێران بە گرینگ بۆ جوڵانەوەی مافخوازانەی كوردو جوڵانەوەی سەرانسەریی لە ئێران زانی و هەروەها پێداگری لە سەر تێكۆشانی هەمەلایەن بە مەبەستی روخانی رژیمی ئاخوندی و رەد كردنەوەی هەر جۆرە ووت وێژێك لە دەسەڵاتی دیكتاتۆری مەزهەبی و ستەمگەری ئاخوندی كردەوە. هاوکات شاندی کۆمەڵە بەسەرپەرەشتی بەرێز کاک عەبدوڵلای ئازەربار ئەندامی دەفتەری سیاسی بۆچوونی کۆمەڵەیان لەسەر باس و قسەکان خستە روو. دوو لایەن لەسەر زۆربەی باسەکان هاوبۆچوون و هاوڕا بوون و پێداگرییان لەسەر تۆکمەتر کردنی پێوەندی نێوان هێز و لایەنەکانی کوردستانی ئێران کرد و بوونی روحی خوێندنەوە و رێزگرتن لەیەکدی و پلورالیسمیان بە هەوێنی وەدیهاتنی یەکێتیەکی پایەدار و قایم زانی. 


 


لەکۆتایی دیدارەکە دا دوو لایەن لەسەر پێوەندیی و دۆستایەتیە لەمێژینەکەی نێوان سازمانی خەبات ی کوردستانی ئێران و کۆمەڵەی شۆڕشگێری زەحمەتکێشانی کوردستانی ئێران پێداگرییان کرد و شاندی میوان بەرێزەوە بەرێکران








ڕێکه‌وت: 2018-12-07 09:14:49
به‌شی ( چالاکیه‌کان )





دیمانه

سیاسی