له‌سه‌رهێل 48
چوارشه‌مه‌ 7 خه‌زه‌ڵوه‌ر 2720
سازمانی خه‌باتی کوردستانی ئێران
شەهیدمحەممەد ئەحمەدی

یادی سەروەری گەل شەهیدمحەممەد ئەحمەدی

هەر گەلێك شەهیدو گیانبازو فیداكاری نەبێ مێژووی نییە و هەر گەلێك مێژووی نەبێ گەل نییە. كاروانی خەباتی دژی زۆرە ملی و ملهۆری بێ وچان و راوەستان دێت و دەڕوا و بێ پسانەوە رادەبڕێ و شان بە شانی ئەویش كاروانی شەهیدانی سوور خەڵاتی دەڕوا و شەهیدی تازەی پێوە دەلكێن و دەستەدەستە خەباتگێڕان پلە و پایەیان بەرز دەبێتەوە و شانازی چوونە ناو كۆڕی شەهیدان، وە دەستیان دەكەوێ و هێندێكیش لەوان چاوەڕوانی چوونە ناو ئەو كاروانە و وەرگرتنی ئەو شانازییەن و دەیانهەوێ بگەنە ئەو رادە كە ئەركی خۆیان بە جێ هێنابێ. گەلی كوردمان لە كوردستاندا وەك گەلێك خاون بیر و باوەڕ بە رێبازی پڕ لە ئازادی خودا كە خەباتی رزگاری خوازی دژی زۆرداری و زۆرە ملی یە، وەك هەموو زۆر لێكراوێك كە هەست بە زۆر لێكراوی خۆی كردبێ و لە دژی زۆر راپەڕی بێ، وەك هەموو چەوساوەیەك كە دبێ تەكان لە خۆی بدات و خۆی لە چاڵاوی كۆیلەیی و چەوسانەوە دەربێنی وەك هەموو خەباتگێڕێكی راستە قینە و كۆڵنەدەر كە خەبات دەكا، ئاڵای خوێناوی خەباتی رزگاریخوازانەی خۆی بەرزكردۆتەوە و لە سەر لوتكەی لەخوێنا شەڵاڵی كوردستان هەلێ داوە و مەردانە لە گۆڕەپانی خەباتی كوردستان راوەستاوە. كە لەو رێگا پڕ لە كەند و كۆسپەدا بە هەزاران هەزار شەهیدی پێشكەش بە بارەگای خودا و خەڵك كردووە. بەڵام گەلی قارەمانی كورد هەرگیزاو هەرگیز، دەستی لە خەباتی رزگاریخوازانە و رەوای خۆی شل نەكردوە و رۆژ لەگەڵ رۆژ زیاتر تێكۆشاوە. ئەو كاتەی كە لە ئاسمانی خەباتی رەوای گەلەكەماندا ئەستێرەیەكی پرشەنگداری خۆی بە خەباتكارانی راستە قینە نیشان ئەدات، ئەو كاتە كە لە گوڵزاری هەڵاڵە سوورەی شەهیداندا گوڵێكی سوور، بە دیمەنی هەڵكەوتووی قارەمانێكی خەباتگێڕی وەك كاك محەممەد ئەحمەدی پێدەكەنێ، هەر بۆیە شەهید محەممەدیش بۆ تۆڵەی شەهیدانی پێش لە خۆی خوێنی وە جۆش هات و بە سەر خاكی كوردستاندا هەڵچوو. شەهید محەممەد ئەحمەدی كوڕی محەممەد ئەمین خەڵكی گوندی ساوانی خوێناوی كوڕ كوردێك بوو كە بە ئاو هەوای ئەو كوردستانە خوێنیاوییە ژیا بوو وە پێ گەیشتبوو وە بە تەواویی هەستی بە ژێر چەپۆكی گەلەكەی و داگیركراوی نیشتمانەكەی كردبوو، هەر بۆیە لە كاتی هێرش هێنانی رژێمی دژی مرۆڤایەتی خومەینی بۆ سەر كوردستان هەستی كورد پەروەری هانیداو چەكی دیفاع لە نیشتمانەكەی لە شان كرد و لە سەنگەری شەرەفدا دژی داگیركەرانی كوردستان شێرانە راوەستا، بەڵام بە داخێكی زۆر گرانەوە مەرگ مەودای نەدا و لە ماوەیەكی كەمی پێشمەرگایەتی دا لە شەڕی 38 رۆژەی شاری بانەی خوێناوی لە رۆژی 8/2/1359 دا بە گوللەی دوژمنانی ئیسلام و ئینسانییەت پێكرا و چاوی ئەوینداری بە گەل و نیشتمانەكەی لە سەر یەك دانا و بۆ هەمیشە سەنگەری شەرەف و پیاوەتی بۆ هاوسەنگەرانی بە جێهێشت.

(( هەزاران پیرۆزبایی لەو خاكەی كە ئەو رۆڵە قارەمانانەی لە ئامێز گرتووە ))

ڕێکه‌وت: 2014-10-24 14:01:17






شه‌هیدانی ڕێگای خه‌باتی کوردایه‌تی

هه‌موو جارێک پۆلێک له‌ شه‌یدانتان پێ‌ده‌ناسێین