له‌سه‌رهێل 64
سێ‌شه‌مه 29 ره‌زبه‌ر 2720
سازمانی خه‌باتی کوردستانی ئێران
شەهید عەبدولكەریم حوسەینی

سەروەری گەل: شەهید عەبدولكەریم حوسەینی

دڵەكەم دڵە پڕ لە كوڵەكەم! دڵە پڕ لە هەستەكەم، هەستە لە خەوی خەم و پەژارە، چاو بگڵۆفە بزانە چ دیارە. تەمی خەمڕادە بە هەناسەی ساردی كوردی ئاوارە. سیخواری پەژارە لە پێڵوی خوێنی تێچزا و برژانگی ژەنگاویت بە دەسرەی وەسڕە. سەر هەڵێنە بروانە كاروانی دڵانی پڕ لە كوڵ عادڵانی بە باوەڕ. باوەڕی پڕ بە دڵ، كاروانی ئەوینداری خەبات دەبزون ئارام و مات و خەمگین و تا بڵێی بە ورە و سەنگین، كەوتونەڕێ لە كوێوە بەرە و كوێ. لە كوردستانەوە لە گەرمێن و كوێستانەوە بەرەو چەمی زاخە. كە سەر زمانی ئاخ و داخە، سروەی بای بەرە بەیانی 21ی خەرمانان، هەواڵی پێداون هەواڵی دڵ تەزێنی بۆ هێناون، دەم بە خوێن كە چەمی زاخە بۆتە قۆناغی حەسانەوەی یەكجاری، قارەمانی بە ئیمانی كوردەواری، هەواڵی داوە كە ڕۆڵەی بە ئەمەگی كوردستان، تەرمی پڕ لە زامی كۆن و نوێ بە پیری دەست بە تیرۆكەوانی كەوانە دۆڵ سپاردووە و گیانی بەرزی بەرە و بەهەشتی شەهیدان و جێی ڕەحمەتی یەزدان لە شەقەی باڵی داوە، هەواڵی داوە كە چەمی زاخە ڕەنگاوە بە خوێنی قارەمانانی كورد و هەڤاڵانی دڵ بە ئیمان، سروەی بەرەبەیانی 21 وێنەی دەرد و دۆڵی ڕەنگاو بە خوێنی چەمی زاخە نواندووە كە بە خوێنی پاكی شۆڕە لاوان، قامیشەڵانی دێر دێر ڕەنگاوە، ئاڵای ئازادی كوردستانە هەڵكراوە، یان دێر دێری قارەمانی و شانازی شەهیدانە لەسەر باڵی قامیشەڵان نووسراوە. یان كۆتەڵی بەژن بە شێر داخە بۆ شەهیدانی چەمی زاخە، بڕوانە! پۆل، پۆل دڵی قارەمان پەروەری كوردستان بەرەو تەرمی گەرمی شەهیدانی 21 خەرمانان دەڕۆن، كەی دوای دیداریان لەگەڵ ڕۆڵەی بە ورە و گیان لە سەردەستی كوردستان، خۆشەویستی كورد خۆشەویستان پێك بهێنن، دەڕۆن كە وێنەی تەرمی لە خوێندا شەڵاڵی ڕۆڵەی بە ناوبانگی شۆڕشی كوردستان بگرن، بیكەنە بەڵگەی بیرەوەری لە شان هەڤاڵی قارەمانیەكانی كە لاپەڕەكانی توێ توێی دڵانیان پڕ كردۆتەوە، دەڕۆن بگەنە تەرمی شەهید (( سەید عەبدولكەریم حوسەینی )) كە ئازادی خوازانی كوردستان دەیانناسی و كۆڕ دە ڕەنگان بە باسی. ئەو ڕۆڵە بە نرخەی كوردستان كە تا بڵێی قارەمان بوو، تا بڵێی دلێر بوو، ورەی دڵی خەباتگێڕان بوو، خۆشەویستی پیاو و ژن، پیر و جەوان بوو، پڵینگ و شێر بوو، وریا و بێ ڕیا و بە بڕیار و دەست بە كار بوو، ورەی دڵی پێشمەرگە و خەڵكی كوردستان بوو، ژیانی ژانی نەویستانی كورد و كورد فرۆشان بوو، مەرگی جێژن و شادمانی ئەوان بوو، زۆریان خەون بە نەمانیەوە دەدی، درۆ بوو، تا لە 21 خەرمانان خەونیان هاتە دی. بەڵێ خەرمانان بوو بە شادی نەویستانی كورد و كوردستان و خوێنمژ و هەل پەرەستان، بەڵام لە ڕاستیدا بوو بە خەرمانانی شانازی كورد و شۆڕش و پێشمەرگە و سازمانی خەبات، مانگی خەرمانان كە سەرەتاكەی بە جێژنی دامەزراندنی سازمانی خەبات، دەست پێ دەکا، دواییەكانی بە شانازی لە خۆبردوون و گیان بەختكردنی ئازیزترین ڕۆڵەكانی سازمانی خەبات دوایی هات، جێژنی سازمانی خەبات لە 5ی خەرمانان گیرا، بەڵام ئەستێرەی 5 پەڕی شانازی لە سەرەتای سێهەمین دەیەی 21 خەرماناندا، لە چەمی زاخە سەری هەڵدا و لە قەندیلی سەربەرزەوە پێی لە عەرز بڕی و بوو بە ئەستێرەی ڕۆژی ڕزگاری كوردەواری و درەوشایەوە، سەر كاروانی شەهیدانی خەرمانانی سازمانی خەبات ( سەید عەبدولكەریم حوسەینی) یە كە ژیانی شانازی بوو بۆ سازمانی خەبات و خەباتگێڕی كوردستان و شەهادەتی سەربەرزی پێشمەرگەی خەبات و دەستمایەی شۆڕشی كوردستانە، شەهید سەید عەبدولكەریم حوسەینی لە 26/بانەمەڕی/1337 لە بنەماڵەیەكی ڕابەری ئایینی و شۆڕشگێڕی كوردپەروەر لە گەڕەكی خوارووی شاری بانە لە دایك بوو، لە شەش ساڵیەوە دەستی كرد بە خوێندنی قورئان و لە 8 ساڵیدا نێردرایە قوتابخانە، دوازدە كلاسی خوێند كە شۆڕشی دژ بە شا لە ئێران دەستی پێكرد.

باوكی یەكێك بوو لەبەرچاوانی ئەو ڕاپەڕینە لە كوردستاندا، شەهید سەید عەبدولكەریم لە منداڵیەوە هەستی بە ستەمی نەتەوایەتی دەكرد بە پێی ئامۆژگاری و ڕێ نوێنیەكانی باوكی هەستی شۆڕشی ئازادیخوازی و كوردایەتی گەشەی كرد و بە گەرمی وێڕای باوكی و ڕۆڵە بەشەرەفەكانی شارەكەی لە شۆڕشی دژی شایەتیدا هاوبەش بوو. شەهید سەید عەبدول كەریم ڕۆڵەیەكی چاونەترس و بە بڕیار و لێبڕاو بوو، ڕۆژی 16/ڕێبەندان/1357 كە دوژمن هێرشی بۆ ناو شاری بانە هێنا بە دەمانچەوە لە پارێزگاری شاردا هاوبەشی كرد. شەهید سەید عەبدولكەریم لە كامیاران و جادەی سەقز و سنە و شاری سەقز و دۆڵی میرەدێ و بۆكان و چۆمی مەجیدخان و سەردەشت و هەموو جێگەیەكی ناوچەی بانە لە شەڕدا بوو و لە زۆربەی قارەمانەتی و گیانبازی هاوبەشی كردوە. شەهید عەبدولكەریم لاوێكی پاكی دوور لە كردەوەی خراپ و پڕ لە مەردانەگی و پاكی بوو. بۆ هەموو نەتەوەێک یاریدەدەر، خۆی بۆ كورد دەویست و توانای بۆ كورد بەكار دەهێنا .
شەهید سەید عەبدولكەریم حوسەینی خەڵكی پارچەکانی كوردستانی وەك برای خۆی خۆشدەویست و ئەوەی دەیناسی
متمانەی برای دڵسۆزی بوو. شەهید سەید عەبدولكەریم بەڕاستی ئەستێرەیەكی درەوشاوەی ئاسمانی كوردەواری بوو چرای تاریكی شەوگاری دەربەدەری و لێقەماوی بوو، ڕۆڵەی تەنگانە بوو گرێ پوچكەی تەنگانەی بە دەست دەكردەوە، شەهید سەید عەبدولكەریم لاپەڕەكانی مێژووی كوردستانی ئێرانی بە حەماسەی خۆی پڕ كردون و وێنەی ڕەزا شیرینی خۆی كردە تابلۆی كوردایەتی لە دڵی كوردپەروەراندا. شەهید عەبدولكەریم قارەمانییەكانی و شانازییەكانی كردە هیوا و هومێدی دڵی كوردی كوردپەروەر و نیشتمان پەروەری كوردستان و داخ لە سەر دڵی دوژمنان و خۆفرۆش و هەل پەرەستان. شەهید سەید عەبدولكەریم لە دڵی شارەزایاندا زیاتر لەوەی كە گوتراوە، گەشترە لەوە كە نووسراوە، باسی گەرمی حەماسە دای دەگرێ، شەهید سەید عەبدولكەریم دیمەنی لە دڵان دایە ئەو لە دڵی میللەتی كورددایە و ( نامرن ئەوانە وا لە دڵ میللەتا ئەژین ) شەهید سەید عەبدولكەریم هەزاران داخی بە دڵی دوژمنانی كورد و نۆكەرە ئاڵقە لە گوێ كانیان داناو و ڕێی شەهادەتی هەر لە ڕۆژانی بەرێڕا بۆ خۆی هەڵبژارد و بە شانازییەوە بەرە و پیری چووە، كوا دەتوانن بە گۆڕاو گۆڕ كردنی تەرمی پیرۆزی قەوارەی بەرینی دڵیان سارێژ كەن. 
شەهید سەید عەبدولكەریم كە خۆشەویستی كوڕانی بە شەرەفی كوردەوارییە، هەتا زۆرتر دوژمن داخی خۆی بە تەرمی پیرۆزی بڕێژێ زۆرتر تین و داخ لەو دژمنە و نۆكەرو ئاڵقە لە گوێكانی لە دڵی ئەو رۆڵە بە شەرەفانەدا گەرم دادێ و زۆرتر شێلگیرتر دەبن لەسەر درێژەدان بە ڕێبازی ئەو و هەڤاڵانی لە ڕێی خەبات و شەهادەتدا.
پیرۆز بێ یادی حەماسەكان و قارەمانییەكانی شەهید سەید عەبدولكەریم چۆڵە چرای دڵی ڕۆڵەكانی كوردەواری. 
پیرۆزبێ پیرۆزتر بێ تەرمی گۆڕاوگۆڕ پێكراوی شەهید سەید عەبدولكەریم و هەڤاڵانی، ئاوەدان بێ ڕێی پڕ لە شانازی ڕێی خەبات و موبارزە، سەركەوتوو بن میرات گران و تۆڵە ئەستێنی شەهیدانی كوردستان.

لە 33 هەمین ساڵیادی شەهادەتی سەركردەو فەرماندە، شەهید سەید عەبدولكەریم و هەڤاڵانیدا

سیامەند
نەبەزی و نەسرەوتن و تێكۆشان لە پێناو بەختەوەری گەل ونیشتمان و لە یٔاكامدا فیداكردنی گیان، كارێكی یٔاسان نیە، هەر بۆیەشە كاری هەموو كەسێكیش نیە تا بتوانی لە مەیدانی جەنگی سیاسی و جەنگی نیزامی خۆبگرێ‌ و تا سەر بەردەوام بێ‌. شەهیدی سەركردە كاك عەبدولكەریم لە ڕۆڵە دەگمەنەكانی كوردستان بوو كە نە تەنیا لە مەیدانی كاری پێشمەرگانەو فەرماندەییدا نمونە بوو، بەڵكو لە كاری ڕێكخستن و كاری سیاسی سادقانەشدا نمونەو لێهاتوو بوو.یٔەو كەسێكی سادەو كۆمەڵایەتی بوو، ڕێزی لە پیرو منداڵ و هەر تاكێكی هاونیشتمانی و هەواڵان و هاوسەنگەرانی دەگرت. 
یەكێك لە تایبەتمەندیەكانی یٔەوە بوو كە زۆر بە باشی بیرو بۆچوونی دەوروبەری دەخۆێندەوەو پێش یٔەنجام دانی هەر كارێكـ، بە باشی و بە وردی بیری لێ‌ دەكردەوە.لە كاتی كاریشدا هەوڵی دەدا بە باشترین شێوەو بە سەركەوتویی كارەكەی بەڕێوەی بەرێ‌.ئه‌و كاتانەی كوردستان كەوتە بەرهێرشی دڕندانەی هێزە سەركوتگەرەكانی ڕژیمی یٔاخوندی،بە داخەوە هەر لەو سەردەمەدا سازمانی خەبات كەوتە بەر هێرشی تەبلیغی و چەكداری ناڕەوای لایەنەكانی كوردستان و هەوڵی لە ناوبردن و نەمانی سازمان دەدرا، یٔەو كات شەهیدی سەركردە یەكێك لە پەرچەمدارو پێشڕەوانی پارێزگاری لە مەوجودیەتی سازمان بوو. لەبەهاری ساڵی ١٣٦٠ یەكێك لە هێزەكانی كوردستان دەوری بنكەی سازمانی خەبات لە قەلای خەبات دەدەن و دەڵێن نابێ‌ پێشمەرگەكانی سازمان و سەید عەبدولكەریم بە تایبەت لە ناو خەڵك هەڵسوڕانیان هەبێ‌، بە داخەوە یٔەو كات یەكێك لە بەرپرسەكانی سازمان بێ‌ گەڕانەوە بۆ بڕیاڕی سەركردایەتی بە داوای یٔەو لایەنە ڕازی دەبێ‌، بەڵام شەهیدی فەرماندە بۆ یٔەوەی بیسەلمێنی كوردستان یٔی هەموانەو كەس مافی سنووردار كردنی چالاكی بۆ هیچ هێزێكی تێكۆشەر نیە، لە گەڵ ژمارەێك لە پێشمەرگەكان بەرەو یٔارمردەو ناوچەی تاژان لە ناوچەی بانە دەڕۆن لە تاژان دەكەونە بەر هێرش، بەڵام بە قارەمانی كەم وێنەی كاك عەبدولكەریم، حوكمی ناڕەوا دەچێتەوە قاپوڕی خۆی و قارەمانانی سازمانی خەبات بە دوریی كردن لە یٔاڵۆزی و ناكۆكی لە مەیدانی ڕەوای شۆڕشی خۆماڵیانەو نەتەوەییدا سالارو ڕەندو مەرد درێژە بە یٔەركەكانیان دەدەن بۆ هەمیشە نەخشە ڕێگای پارێزگاری لە كەرامەت و مەوجودیەتی شۆڕشی پاك و بێگەردو كوردایەتی خۆماڵیانەو سازمانی خەبات گەڵاڵە دەكەن و دادەڕێژن .
لەمەیدانی ڕوبەڕوبونەوەی هێزی داگیركەرەكانی ڕژیمی سەركوتگەری یٔاخوندیدا، قارەمانی و لێهاتویی كاك عەبدولكەریمی سەركردە، لە ناوچەی كامیاران،سنە،سەقز،بۆكان،سەردەشت و بە تایبەت ناوچەی بانە نمونەی نەبەردی و قارەمانی كەم وینەن، كە بۆ هەمیشە لە مێژووی سەروەریەكانی گەلی كورد تۆمار كراون و دەمێننەوە.
شەرەكانی كامیاران، یٔێرانشاو تیلەكۆی ناوچەی سەقز، فەرماندەیی گرتنی بەشێك لە پادگانی بانە لە شەڕی سێ مانگە ،شەڕی ١٠ ی خەزەڵوەرو روبەڕوبونەوەی هێزی دوژمن لە دێ‌ كەوپێچ، بەشداری چالاكانە لە شەڕی گەورەی دارساوێن،فەرماندەیی گرتنی دوو پایگای گەورە لە شارەدێ‌ شۆێ‌ لە بانە،فەرماندەیی شەڕی گەورەی قەبەغڵوی سەقزو لە ناوچوونی هێزی دژمن، فەرماندەیی گرتنی پایگای ماماڵ لە بانە،فەرماندەیی گرتنی پایگای سیچان، فەرماندەیی گرتنی پایگای یاكوباوا، فەرماندەیی و بەشداری چالاكانە لە شەڕی گەورەی مەردەكان لە گەڵ هێزی پێشمەرگەی حیزبی دیموكڕات كە بووە هۆی تێك شكان و لە ناوچوونی هێزی دژمن و دەیان قارەمانی و چالاكی و نەبەردی كەم وینە، بەڵگەی دیارن لە لێوەشاوەیی فەرماندە ساكارو بێ‌ دەمارەكەی گەلی كوردو سازمانی خەبات.
بەڵی، شەهید كاك عەبدوڵكەریمی سەركردەو فەرماندەی قارەمانی گەلی كوردو سازمانی خەبات،و ڕێبەرو سەركردەكان و مێژووی پاك و بێگەردو دەیان پێناسەو ناسنامەی سەروەری و پێشڕەوی ڕێبوارانی ڕێگەی یٔازادی و تێكۆشەرانی سازمانی خەبات، لە هەر سەردەمێك و لە هەر كۆڕێكدا و لە هەر تەنگانەێكدا، پێناسەو ناسنامەن و دەبێ‌ ڕێبوارانی ڕێبازی سازمانی خەبات پشت بە دەستكەوتەكان و یٔازایی و لێهاتوییەكانی فەرماندەكان و سەروەریەكان ببەستن و ڕوو سوورانەو چاونەترسانە بەردەوام بن لە سەر ڕێبازی پاك و بێگەردی سازمانی خەبات و درێژە بە چالاكی و و تێكۆشان بدەن.
بە داخەوە لە شەوی٢٠ له‌سه‌ر٢١ ی خەرمانانی ساڵی ١٣٦٦ كۆچی خۆری فەرماندەی لێهاتوی گەلی كورد لە گەڵ ژمارەێك لە پێشمەرگەكانی سازمانی خەبات لە چەمی زاخە لە ناوچەی سیوەیلی كوردستانی عێراق كەوتنە ناو كەمین و مەیدانی مینی دژمن و بە داخەوە كاك عەیدولكەریم و كاك خەلیل پاشایی و كاك ساڵح رەسوڵی و هاونیشتمانێكی كورد كە وەك شارەزا هاوڕێ‌ مان بوو شەهید بوون و گیانی بەرزیان بەخشی لە پێناو ڕزگاری گەلی كوردو یٔازادی نیشتمان و شۆڕشی ڕەوا لە بەرانبەر دەسەڵاتی دیكتاتۆری یٔاخوندی لە یٔێران.
هەزراران سڵاو لە یادو ناوی سەركردەو فەرماندەی قارەمان شەهید سەیید عەبدولكەریم حوسەینی و شەهید كاك خەلیل پاشایی و شەهید كاك ساڵح ڕەسوڵی و تێكڕای شەهیدانی ڕێگەی ڕزگاری و یٔازادی كوردستان و شەهیدانی شۆڕشی ڕەوا لە بەرانبەر دەسەڵاتی دیكتاتۆری یٔاخوندی لە یٔێران.

 

ڕێکه‌وت: 2014-10-25 23:00:25






شه‌هیدانی ڕێگای خه‌باتی کوردایه‌تی

هه‌موو جارێک پۆلێک له‌ شه‌یدانتان پێ‌ده‌ناسێین