له‌سه‌رهێل 51
دووشه‌مه‌‌ 5 خه‌زه‌ڵوه‌ر 2720
سازمانی خه‌باتی کوردستانی ئێران
ئیسماعیلی سولەیمانزادە

سەروەری گەل شەهید كاك ئیسماعیلی سولەیمانزادە

نوسینی پەژار

گەلانی ستەم لێكراو، ژێر دەستی زۆردارانن و چەوساوەی ستەمكارانن. دەسەڵاتدارانی بێ بەزەیی بوونە دەریالوش و بە هیچ شتێك تێر نابن. گەلان تاڵان دەكەن و وڵات دەگرنە ژێر دەست و سەروەت و سامانیان ڕاماڵ دەكەن. دەسەڵاتداران هەموو كردەوەیانە و هەموویان بە یەكتری دەڵێن (نەمن دەنگ ونە تۆ دەنگ) پشتیان لە یەكتری كردووە دەمیان ژاندۆتە كەلاكی بێ چارەو بێ دەسەلاتان. ئەوەی كەوت كەس نییە دەستی بگرێ و سەری ژێر خۆی كەوێ كەس نییە ڕاستی كاتەوە، كەس بە هاواری لێقەوماوان نایێ و كەس لەسەر هەژاران هەڵ ناقرێ. هەژار و ژێر چەپۆكەكان دەبێ بۆ خۆیان فریای خۆیان بكەون و خۆیان لە هاواری یەكتر بێن. گەلانی ژێر چەپۆكی ژێر دەست هەر خۆیانن كە خۆیان ڕزگار دەكەن هەر دەبێت خۆیان ڕاپەڕن و باری گرانی زۆرداران لەسەر خۆیان لابەن و ئازادی و سەربەخۆیی و كامەرانی و شادی بۆ خۆیان پێك بێنن. گەلی كوردی لێقەوماوی خاك دابەشكراوی حەق فەوتاو، وەك هەموو لێقەوماوانی تری جیهان دەبێ خۆی فریای خۆی كەوێ. دەبێ كوردی لێقەوماوی خاك دابەشكراو خۆی تاو داتە خەبات و بەربەرەكانێی زۆردارو داگیركەران. كارگەرو ڕەنجدەران كە بەشی زۆری گەلی كوردن، زیاتر لە هەموو كەس هەست بە ستەم دەكەن و خەبات و تێكۆشان بە ئەركی سەرشانیان دادەنێن، دەبینن كە ڕێبازی سازمانی خەبات چونكە ڕێبازی كوردایەتیە، بۆتە جێگەو پێگەی هەژاران و ڕەنجدەران لە هەموو لایەكەوە لێی ئاڵاون و دێنە ڕیزیەوە. دەبینێ كاروانی شەهیدان كاروانی هەژار و چەوساوانە بەرەو بەهەشت و ڕەزای خودا ڕێ دەكەون.

فیداكاری و لە خۆبردوویی ئەوانە بێ وێنەیە. چونكە چاك ئیمانیان بە پێویستی و زەرورەتی خەبات هەیە و ئەوان چاك دەزانن كە چەوساوەیی گەلی كورد بە دەست بێگانەی داگیركەر بۆتە هۆی دواكەتن و ڕۆح شكاوی ئەو گەلەو گەشەی لەدڵیان نەهێشتووە. هەر شەهیدێكی سازمانی خەبات دەیگری نمونەی ئازایی و قارەمانییە چونكە تا ئیمان پتەوتر بێت بە خەبات داخ لە ستەمگەر زۆرتر دەبێ. تێكۆشان و خۆ بەختكردن و فیداكاری زیاتر دەبێ. بەهبەە ! چەند خۆشە یادی شەهیدە بەنرخەكان كە لای خەڵك سەربەرزن. گوڵی مەجلیس یادی سەروەری ئەمڕۆمان , ئیسماعیل سلێمان زادەی ساردە كوێستانیە. ئیسماعیل لە بنەماڵەیەكی كاسب و بەخۆوە ژیودا لە دایك بووەو تەمەنی خۆی لە سەرەتای مێر منداڵیەوە هەتا كاتی شۆڕشی كوردستان بە ڕەنج و هەوڵی خۆی و زەحمەتی زۆر بۆ پەیدا كردنی بژیوی گوزەراندووە. پاشان ئەركی پەیاكردنی بژیوی خاوخێزانێكی زۆری بەئەستۆوە بووە. لەگەڵ ئەوەش دا كە ژیانی خاو خێزانێكی زۆری بە ئەستۆوە بووە هەستی نەتەوایەتی و باوەڕ بە خەبات و تێكۆشانی گەلەكەی و داخ لە ستەمگەران و داگیركەرانی كوردستان هانی دا كە لە خەباتی پیرۆزی كوردستان هاتە ناو ڕیزی پێشمەرگایەتیەوە.  لە سەرەتای ساڵی 59 دا هاتە ناو ڕیزی پێشمەرگایەتی لە سازمانی خەبات داو زۆر بە دڵسۆزی و لێ بوردووییەوە لە خەباتی حەقخوازانەی گەلەكەمان بەشداری كرد. تا لە ڕۆژی 16ی خاكەلێوەی ساڵی 1361 دا لە گوندی یەكشەوە لە پشتی بۆكان لەگەڵ شەش هەڤاڵی تێكۆشەر، شەش برای كوردپەروەر و بەنرخ كە سەردەستەی شەهادەتیان كاك وریا ئارام بوو. شەهید ئیسماعیل لە پلەی بەرپرسیارەتی نیزامی دا شەهیدبوو، بوو بە یەكێك لە حەوت ئەستێرەی پڕشنگ داری ئاسمانی خەبات و بەڕێز و بە سەر لە هەندایەكی لە گۆڕستانی گوندی شنكی كەندی لە پەنای یەك دا نێژران.                   

 شەهیدان نامرن سمبوڵی ئازادین شاخی سەر بەرزن فەخری میللەتن

ڕێکه‌وت: 2020-04-01 01:49:33






شه‌هیدانی ڕێگای خه‌باتی کوردایه‌تی

هه‌موو جارێک پۆلێک له‌ شه‌یدانتان پێ‌ده‌ناسێین