له‌سه‌رهێل 51
چوارشه‌مه‌ 7 خه‌زه‌ڵوه‌ر 2720
سازمانی خه‌باتی کوردستانی ئێران
شەهید ئەحمەد عەزیزی

سەروەری گەل: شەهید ئەحمەد عەزیزی

نووسینی: پەژار
منداڵی كوردەواری كاتێك چاوی بە جیهان هەڵدێنێ و چاو و بیری دەكرێتەوە و لە جیهان ورد دەبێتەوە، دەبینێ ئەو دایك و بابەی كە ئەویان لە ئامێزی دڵسۆزی و خۆشەویستیدا پێگەیاند و زمانی ئەویان پژاند بەزمانێك دەدوێن و فەرمانڕەوایان بە زمانێكی تر دەدوێ. دەبینێ كە كەس و عەشرەت و هاوسێ نزیك و دووری بەرگێك دەپۆشن وفەرمانڕەوا بەرگێكی تر دەپۆشێ. دەبینێ فەرمانڕەوا ناشارەزایە لە نیشتمان و ئاوەدانی و كەژو كێوی، بێ ڕێنوێنی كەس و هاوسێكانی سەرەندەر ناكاو هەڕە لە بڕەی ناكاتەوە و هەنگاو ڕێ دەر ناكا، بیر دەكاتەوە و دەكەوێتە پرسیار ،چیە هەر چی بە زمانی ئەو دەدوێ ژێر دەستن و خاوەن زمانی تر فەرمانڕەوا، چیە هەرچی زمانی ئەوی زانی دەبێ بەڕێوە ببرێ و داژداری بكرێ، چیە ژێر دەستی و نزمی و پەستی بە باڵای بڕاوە. هەر دێ و مناڵی كورد بیر دەكاتەوە، هەیاران چیە كەس وكاری ئەو نەتەوە و ڕەگەزی ئەو چ كەمایەتیكیان هەیە كە زمانیان بۆ فەرمان پێدان ناشێ و بەرگیان هەر شیاوی نۆكەری و ژێر چەپۆكەییە. بڵێی هەر خودا وای دروست كردبن كە چارەنووسیان بە دەست ئەمو ئەو بێ. هەر دێ و لەم بیرەدا پێ هەڵدەچێ و گڕی لە دڵی دا سەر یەك دەكەون. بە تایبەت كاتێك كە دەچێتە قوتابخانە دەبینێ دەرسی پێ دەڵێن كە فێر بێ وچ فێر بێ وبە چ زمانێك فێر بێ، ئەوە فێر بێ كەنایزانێ. ئایا لەو شتە ناڕەوایە ئایا ئەو كارە نەزانانەیە؟ چۆن لە نەزاندراو زانین وەدی دێ ؟ چۆن لە تێ نەگەیشتن تێ گەیشتن دروست دەبێ؟ لە دوو جەهل و نەزانین چ وەدی دێ؟ جوێ لە مانەوە لە نەزانیندا، ئایا لەو نەزانینی كە نەزاندراوە، كاتێ منداڵ دەكەوێتە ئەو گێژاوەوە كە بە قریوە وجریوە لە گەڵی دەدوێن دەڵێ ڕەنگە ئەمە زمانێکی دیکە بێ و ئەگەر هێندەێ هاوسێ و هەڤالانی گاڵتەوكایە نەبینێ وا دەزانێ كەوتۆتە ناو خێڵێکی جیاوازەوە و خەریكە خودار ببێ ناردویانە بخوێنێ و بەڵام هەر لە سەری لوور دەمێنێ، ئاهێكی بەوەیە كە وێنەی مەل و زیندەوار دەبینێ ، هێندێ ئەوان دەبێنێ و لە دڵی خۆیدا دەڵێ خۆزگەم بە دوێنێ، منداڵی كورد دەكەوێتە تەلسیمەوە كە بێ تێگەیشتن فێر ببێ وردە وردە دەزانێ كە وەك فەرمانڕەوا دەبێ لە لاوە ڕابێ دەبێ زمانی فێربونیش لە لاوە ڕابێ. ئاە كەس چارەنووس و خاك و داهاتی لێ داگیر نەكا. بەڵام داگیركەران چاویان لە ڕاست ئەو حەقیقەتە كوێرە. ڕژیمی خومەینی كە لافی ئیسلامی لێ دەدا ،خومەینی كە خۆی بەرابەری مستەزعەف و چەوساوانی جیهان دادەنا مافی میللەتانی ئێرانی پێشێل كردووە. كەی ڕەوای میللەتی كوردە، لە سەر داوای حەقی خودادای وەك دوژمنی دینی و خوێنی ڕەفتاری لەگەڵ بكرێ. ڕژیمی ئاخوندی خەباتگێڕانی كوردستان بە دوژمنی شۆڕشی ئیسلامی و بە دژمنی ئیسلامی دەزانێ و لەگەڵ ئەسیرەكانی كە لەگەلی كوردیان دەگرێ، بەبێ دەرمان دەهێڵێتەوە تاكرم لێیان دەداو دەمرن. جوان و گەنجانی كوردستان كە دەكەونە بەر دەستی بە سزای ناڕەوا، ئیعدامیان بەسەردا دەسەپێنێ. دیلان لە ناو دەبا. دوای ئەشكەنجەو ئازاری زۆر و درێژخایەن بێ ئەوە بیركاتەوە. ئەوانەی كە ئەو لە گەلی كوردیان بە دیل دەگرێ، كوڕی كوردن و خاوەنی ئەو نیشتمانەن. كە ناوی كوردستانەو دژمنی داگیركەر كە هێرشی ستەمگەرانەی هێناوەتە سەر كوردستان و ئەو دیلانەی لەبەر دەركی خۆیان و لەسەر خاكی خۆیان گیراون و بەدەستی دەستدرێژکارانی چاوچنۆكی ڕەگەزپەرەست. بیر ناكەنەوە لە دین لە یاسای نێونەتەوەیی، نە ویژدان ودەروون، كە داخۆ تەجاوزكار شیاوی سزایە یان ستەم لێكراو ؟ 
داخۆ كورد ستەمگەرە كە دیفاع لە نیشتمانی خۆی دەكا یان ئەوانەی كە هێرشیان بۆ سەر كوردستان هێناوە؟ 
بەڵام كوا دزو چەتە بەزەیی هەیە؟
كوا ئەوانەی کە دڵیان بە گوناە وتەعدا وكوشتار ڕەش بووە لە ماوەی ساڵانی ڕابردوو بەدوای شۆڕشی گەلانی ئێران دژ بە ڕژێمی شادا، ڕژێمی ئاخوندی سەدان دیلی لە هێزە خەباتكارەكانی كوردستان گرتووە و دوای ماوەیەك ئیعدامی كردوون. ئەمڕۆ بۆ وێنە لە سەدان دیلی كورد كە بەدەستی ڕژێمی سەرەڕۆی خومەینی ئیعدام كراون باسی شەهیدێكی سابیرو پایەداری سازمانی خەبات دەكەین كە لە ئەشكەنجەو عەزاب دا سەری بۆ دژمن دانەنواند تا گیانی بەرزی فڕی بۆ بەهەشت، بەهەشتی شەهیدان، لە كاتێكدا كە سازمانی خەبات یەك دیلی دژمنی بە سزای ئیعدام نەگەیاندووە. دەبا خەڵك لە ناڕەوایی ڕژێمی ئاخوندی ولە حەقانییەتی خەباتی گەلی كورد حاڵی ببن....
یەكەم شەهیدی نەمر كە بە برینداری گیرا و لە زیندانی دژمنداو بێ درەمان و تیمار، گیانی بە پەروەردگاری شەهیدان سپارد،
ئەحمەدی عەزیزییە كە لە دەوری دێی ئارمردەی ناوچەی بانە دەكەوێتە داوی دژمنەوە و برینداری دەكەن و بێتیمار دەمرێ. شەهید ئەحمەدی عەزیزی كوڕی صالح لە نێوانی ساڵەكانی (1306 تا 1307)ی كۆچی خۆری لەدێی دارێنەی خوارووی بانە لە بنەماڵەیەكی وەرزێر لە دایك بوو. شەهید ئەحمەد تەمەنی منداڵی و لاوی لە دێی دارینەو لە دەورووبەری گوزەراند. پاشان ڕووی كردە
شاری بانەو لەوێ بەكرێكاری ژیانی خۆی و خێزانی دەبردە سەر. شەهید ئەحمەد كرێكارێكی دەست هەڵێن و لێهاتوو و ئازاو بێ منەت بوو. ئەمانەت و پاكی لە ناو چاوی دەباری. شەهید ئەحمەد هەستی بە ستەمی ناڕەوای نەتەوایەتی كە لە سەر شانی گەل بوو، دەكرد بۆیە لە بەهاری ساڵی (1358) دا هاتە ناو ڕیزی پێشمەرگایەتی و لەگەڵ هاوباوەڕانی سازمانی خەبات، ئامادەی فیداكاری لە ڕێی گەل و نیشتمان دابوو. شەهید ئەحمەد لە شەڕەكانی ڕۆژی جێژنی قوربانی ساڵی (1358)ولە شەڕەكانی بەهاری 59ی شاری بانە قارەمانانە هاوبەش بوو. شەهید ئەحمەد دوای شەڕی پادگانی بانە ڕووی كردە شارۆچكەی ئارمردە كە ماڵ و خێزانی بە ئاوارەیی لەوێ بوون. هێزی ڕژێم لە سەرەتای جۆزەرداندا هێرش دەباتە سەر ئارمردەو دەوروبەریی و ژمارەیەك لە خانووەكانی ئەو شارۆچكەیە ئاگر تێ بەردەدات، شەهید ئەحمەد وەك پێشمەرگە بە پێی توانا لە بەرانبەر دوژمندا دەوێستێ بە مەبەستی دیفاع و بەربەرەكانی، لە دێ ڕوو دەكەن بۆ بەرزاییەكانی دەرووبەر بێ ئاگا لەوەی كە جاشی خۆفرۆش لە هێندێك لە بەرزاییەكانی دەوری ئاوایی دابەزیون، شەهید ئەحمەد ڕوو دەكاتە یەكێك لە بەرزاییەكان و چەكداری كورد دەبینێ و تەقەی لێ دەكەن و برینداری دەكەن و بە برینداری دەیخەنە ساردخانەوە، بەڵام چەند ڕۆژێك هەر زیندوو دەبێت تا ئافرەتێكی كوردی پەرستار هاوار دەكا كە ئەو بێچارە زیندووە و دەیهێننە دەرێ و بەرەو شاری مەراغە بەڕێی دەكەن بێ ئەوەی تیماری برینی بكەن. ئەوانەی شەهید ئەحمەدیان بە برینداری لەو ماوەدا دیبوو دەیگێڕنەوە كە ئەو مرۆڤە پاكە، كرم لە لەشی دەداو لە ژێر سێبەری ئیمامی ئومەت، بە زەلیلی و بێ ئەوە پێیڕابگەن، دوای ماوەی 20 ڕۆژ لە کەنەفتی و بێ كەسی گیانی بەرزی دەفڕێ بۆ بەهەشتی شەهیدان و تەرمی پیرۆزی بێگومان دوای مەرگی بەڕیزتر ناگیرێ لە كاتی برینداری. 
هەزران سڵاو لە گیانی پاکی شەهید ئەحمەدی عەزیزی و شەهیدانی سورخەڵاتی کوردستان

ڕێکه‌وت: 2020-09-17 11:17:04






شه‌هیدانی ڕێگای خه‌باتی کوردایه‌تی

هه‌موو جارێک پۆلێک له‌ شه‌یدانتان پێ‌ده‌ناسێین