له‌سه‌رهێل 86
دووشه‌مه‌‌ 27 گوڵان 2721
سازمانی خه‌باتی کوردستانی ئێران
شەهید كەریم مەجیدی

نوسینی: مامۆستا سەید جەلال حوسەینی (پەژار)


ئاگری بە تینی هەستی نەتەوایەتی لە دڵی ڕۆڵە بە ئەمەگ و فیداكارەكانی گەلی بەشخوراوی كورد دا، نووسێنەری ئەو ڕاستیەیە كە ڕەو ڕەوەی تێكۆشانی بێوچانی گەلە چەوساوەكەمان هەرگیز ناوەستێ و لەخۆ بردوویی لە پێناو سەربەخۆیی گەل و نیشتماندا تا گەیشتن بە ئامانج، كە ڕزگاری گەل و ئازادی كوردستانە هەر درێژەی دەبێ. سەدان ساڵە كە خەباتی بێپسانەوەی گەلی قارەمانی كورد لە هەموو پارچەكانی كوردستان بۆ وەدەست هێنانی مافی ڕەواو بە حەقی ئەو گەلە چەوساوەیە ڕێگە دەبڕێ و تا ڕزگاری لە ژێر دەستی دوژمنانی لە مێژینە و كۆنە پەرەستی ئەو موبارزە بێ ئەمانە درێژەی دەبێ. بڵێسەی ئاگرینی خەبات كە لە هەستی دەروونی پڕ سۆزی نیشتمان پەروەری یەوە سەرچاوە دەگرێ بۆ داگیركردن و هێز و تەوەژمی خۆی دوژمنانی گەل و وڵات دەكاتە ژیلەمۆی ڕق و تووڕەیی بە جۆرێك كە خەیاڵی خاوی داگیركردنی كوردستان و خۆسەپاندن بە سەر گەلی قارەمانی كورد بۆ هەتا هەتایە لە بیر بەرنەوە و ئەو تاسەیە لە مێشكی گەندەڵیان بەرنە ژێرگڵ و سزای كردەوەی نابار و ناشیرینیان كە گۆڕكردنیانە ببێتە ئامۆژگاری بۆ هاوبیروباوەڕە چەپەڵكانیان بۆ ئەوەی لەوە زیاتر خەونی چەوساندنەوەی گەلی ستەملێكراوی كورد و زەوت كردنی خاكی پیرۆزی كوردستان نەبینن. دوژمنان بێ خەبەرن كە هەڵۆ بەرزەفڕ و ئازاكانی كوردستان، ماوە بە داگیركەران نادەن كە بە چاو چنۆكی چاوببڕنە نیشتمانی خۆشەویستمان و جێگە و رێگەی لە مێژینەی باب و باپیرانمان بكەنە مەیدانی ڕمبازی. چونكە ئەگەر بە تەمای دابین كردنی ویستە نگریسەكەیان بن، ئەو هەڵۆ بە سام و بە هەیبەتانەی كە میراتگرانی ڕێگای ڕاستەقینەی گەل و وڵاتن و مافی پارێزگاری لە شەرەف و ئابڕوی نەتەوایەتی ئەو گەلە قارەمانەیان وە ئەستۆ گرتووە، بە چنگی تیژیان دڵی ڕەش و پیسیان لە ڕیشەوە دەردێنن و بە ئاگری بێ ئەمانی ڕق و قینی دیفاع لە كەرامەتی نەتەوەیی دەیسووتێنن و بۆ بە ئەنجام گەیاندنی ئەو مەبەستە كە دوژمنانی پێ بتەزێنن خۆ فیداكردن و گیان بەخشین بە دیاریەكی كەم بایەخ دادەنێن. هەر ڕۆژێك كە لە خەباتی خوێناوی و پڕ لە شانازی گەلی بەشخوراوی كورد دەگوزەرێ، فیداكاری و لەخۆبردوویی ڕۆڵە قارەمانەكان پێشمەرگە ئازا و بە دەست و بردەكانی ئەو گەلە زیاتر و زیاتر خۆ دەنوێنێ و شاسوارەكانی ڕێگای ئازادی كوردستان و خەباتی خوێناویش لەو ڕێگایەدا دەورێكی گرینگ و بەرچاویان هەیە كە بە بەخشینی گیان و خوێنی سوور و گەشیان لاپەڕە زێڕینەكانی مێژووی ڕێگای پیرۆزیان بۆ هاوبیروباوەڕەكانیان بە یادگاری بەجێهێشتووە. یەكێك لەو سەروەرانەی كە یادی سەروەری خۆی بە سەربەزیەكی بێ پایانەوە بەجێ هێشتووە، شەهید سەید كەریم مەجیدی كوڕی قاسم خەڵكی شاری بۆكان بوو. 
شەهید سەید كەریم لاوێكی ئازا و لێهاتوی گەلی لێ قەوماوی كورد بوو كە لە بنەماڵەیەكی هەژاردا چاوی بە دنیای پڕ ئێش و ئازار و خەم وخەفەت هەڵێنا بوو. لە ساڵی ١٣٦٠ی كۆچی خۆریدا كاتێك هەستی بە بەشخوراوی میللەتەكەی كردبوو بە مەبەستی بەربەرەكانێ لەگەڵ دوژمنانی ئازادی هاتە ناو ڕیزی پێشمەرگەكانی سازمانی خەبات و چەكی تۆڵە ئەستێنی پێشمەرگایەتی كردە شانەوە. شەهید سەید كەریم لاوێكی تازە پێگەیشتوو بوو ،تەمەنی لە ١٨ ساڵ تێپەڕ نەببوو هەر چەندە لە قیافە و سەرو سیمادا منداڵ كار بوو، بەڵام لە حاستی بیركردنەوە و بۆچوونی سیاسی زۆر چاك هەستی بەستەملێكراوی گەلەكەی دەكرد. ئەوەی باش دەزانی كە دەبێ بۆ ڕزگاری لە ژێر چەپۆكی و دەست هێنانی ئازادی ڕێگای خەبات و تێكۆشان هەڵبژێرێ. هەر وەك بە شانازییەوە ئەو ڕێگایەی هەڵبژارد و بە شانازیەكی زۆرترەوە لەو ڕێگایەدا گیانی شیرینی خۆی كردە دیاری و پێشكەشی هاوسەنگەرانی. شەهید سەید كەریم لە ١٤/خەزەڵوەر/١٣٦٠ لە شەڕێكی نابەرانبەردا لە شاری بۆكان بە گوللـەی دوژمنانی ئازادی پێكرا و گیانی خۆی فیدای ئازادی گەل و نیشتمان كرد.
هەزاران سڵاو لە گیانی پاك و بەرێزی بێت
كوردستانی خۆشەویستم نیشتمانی پڕ لە ویستم
بە پیتی تۆ گورا گەرام بە پێزی خاكت هەڵگەڕام
لە تۆدا ژیم و پێت دەژیم بە تۆوە هەم و بێ تۆ چیم
خاكی زۆر بە نرخ وباییە بە تۆ بەرز و لە خۆ بایی
ئەمە ڕوانگەی گشت ئاواتم ئامانجی بەرەی خەباتم
تا لە ئامێزتدا بم خۆم لە تۆ دەرچم نامۆیی نامۆم
لانەی شێرانی من شێری تۆم لە پێناوت خۆم دانا خۆم
ئۆخەی لانكەی مەرگ و ژینم خاكی لەبەر دڵ شیرینم
بە سروەی بات ڕاژێنراوم بە گوڵە هێرۆت هەڵات چاوم
چاو لە وێنەی نەرگیستە ئەویش وەك چاوی من مەستە 
گۆنام لە وێنەی گوڵاڵەت زامم گەشن وەك هەڵاڵەت
من شەهیدم شەهیدی تۆم هەر خۆم بوو بۆ تۆ دانا خۆم
شلكە لاوێك بووم لە مێزت پێ گەییم لە ناو ڕیزت 
بە نازی تۆ پێ گەیشتم تا وام لێهات تێ گەیشتم
دەبێ بت پارێزم بە گیان لە پێناوت دانێم ژیان 
دەبێ بم بێ بۆ تۆ ئەمەك هەر بۆیە زوو
تاوم دایە چەك
چەكی شەرەف چەكی خەبات لە بۆ پاراستنی وڵات
خۆم دانا تا بت پارێزم شەهیدیم گرتە ئامێزم
رەنگە نەمناسی كە من كێم لە هی وەك من زۆرە هاوڕێم
من سەید كەریم مەجیدیم چواردەی 8ی 60 شەهیدم
لە بۆكانی جێگەی ژینم دوایی هات بە ڕێگای ژینم

ڕێکه‌وت: 2021-03-26 12:40:18






شه‌هیدانی ڕێگای خه‌باتی کوردایه‌تی

هه‌موو جارێک پۆلێک له‌ شه‌یدانتان پێ‌ده‌ناسێین