بوونی هێزی ئامریکا لە عێراق و سوریا بۆ رووبەرووبونەوە لەگەڵ چەکدارەکانی رژیمی ئێرانە

 فەرماندەی سپای ئامریکا لە عێراق ووتی: پێویستە سپای ئامریکا لە دوای شکست پێهێنانی داعش لە عێراق و سوریا، لەو دوو وڵاتە بمێنێتەوە.

هەواڵدەری سکای نیوز باسی لەوە کردووە کە ژەنەراڵ پل ونک تەئکیدی لەوە کردۆتەوە کە بوونی سپای ئامریکا لە عێراق و سوریا بۆ بەرنگاربوونەوەی پاشماوەکانی داعش و تاقمە چەکدارەکانی رژیمی ئێران و راگرتنی هێژمونی ئەو دوانە لە ناوچەکە زۆر پێویستە. 

ناوبراو لە درێژەدا وتیشی سپای ئامریکا پێویستە لە ناوچەکەدا ئامادەبن، و بوونیان لە درێژماوەدا بۆ تاقی کردنەوەو یارمەتی سەربازی هێزە ناوچەییەکان پێویستە.