پەلاماری هێزەکانی رژیم بۆ سەر جوتیارانی نارازی ئیسفەهان و دەستبەسەرکرانی زیاتر لە 30

 هێزە سەرکوتگەرەکانی رژیمی ئێران پەلاماری نارەزایەتی جوتیارانی پارێزگای ئیسفەهانیان داوەو زیاتر لە 30 کەس لەو جوتیارانەیان دەستگیر کردووە.

بەپێی راگەیەندراوی شۆرای ملی مقاومەتی ئێران، رۆژی شەممە 25ی خاکەلێوەی 1397، هێزە سەرکوتگەرەکانی رژیمی ئێران بۆ رێگری لە پشتیوانی خەڵک لە نارازیان شەقامەکانی نزیک لە پارێگا، شەقامی جی و  چواررێیانی ئەریسونیان داخستبوو. بە پەرەسەندنی دروشمی نارازیان یەکێک سەرکردەکانی هێزی ئینتزامی دەستی بە هەرەشە کردن لە نارزیان کرد و وتی: هەر جۆرە کۆبوونەوەیەکی زیاتر لە دوو کەس قەدەغەیە و لەگەڵ سەپێچی کەران بەپێی قانوون هەڵسووکەوت دەکرێ. هێزە سەرکوتگەرەکان بە تەقەی هەوایی و پەلامار بۆ سەر نارازیان و لێدان و شکەنجەیان زیاتر لە 30 کەسیان لێ دەستگیر کردن و دوو کەس لە ژنانیش بە توندی کەوتنە بەر لێدان.

بەپێی ئەو راگەیەندراوەی شۆرا، شەوی شەممە لاوان و جوتیاران درێژەیان بە نارەزایەتی خۆیان دا و وێرای بوونی ژمارەیەکی زۆر لە هێزەکانی رژیم جارێکی دیکە لە مەیدانی خوراسگان کۆبوونەوەو دروشمیان دەدایەوە.