سازمانی خه‌بات ی
کوردستانی
ئێران
بەپێی ڕاپۆرتی سەرچاوه هەواڵیەکان، ئەنوەر خزری، بەندکراوی مەزهەبی کورد و خەڵکی مەهاباد لە دوای نزیک بە ١٥ ساڵ بەندکران، لە بەندیخانەی قزڵحیساری کەرەج، لەسێدارە دراوە. لە ماوەی چەند مانگی ڕابردوو داوود عەبدوڵڵاهی، قاسم ئابەستە، فەرهاد سەلیمی و ئەیووب کەریمی چوار بەندکراوی دیکەی هاودۆسیەی ناوبراو لەسێدارە درا بوون.
بەپێی راپۆرتی هەوالدەرییەکان ئەمڕۆ چوارشەممە ١٢ی بانەمەڕ ۱۴۰۳، ئەنوەر خزری بەندکراوی مەزهەبی کورد و خەڵکی مەهاباد لە حاڵێکدا، پازدەهەمین ساڵ لە بەندکرانی بە بێ هەبوونی مافی مەرەخەسی تێپەر دەکرد، لە بەندیخانەی قزڵحیساری لەسێدارە دراوه.
بە وتەی سەرچاوەیەکی ئاگادار، ئەنوەر خزری ڕۆژی ڕابردوو بە مەبەستی جێبەجێکرانی سزای سێدارەکەی بۆ ژووری تاکەکەسی گوازرابوویەوە و خانەوادەکەی بە مەبەستی ئاخرین دیدار لەگەڵی لە مەهابادەوە چووبوونە کەرەج، بەڵام نەیانتوانیوە دوایین دیدار ئەنجام بدەن.
