گرتنی یاریزانێکی کورد لە ورمێ

هاووڵاتییەکی کورد بە ناوی ئەفشین نژادعەزیز کە لە یاریزانانی فوتساڵی شاری ورمێ یە، لەلایەن هێزە سەرکوتکەر و بەناو ئەمنییەکانی رژیمی ٸاخوندی ئێرانەوە گیراوە و چارەنووسی نادیارە.
بەپێی ڕاپۆرتی هەوالدەریەکان، ئەفشین نژادعەزیز، یاریزانی فوتساڵی خەڵکی ئورمیە، دوای ناڕەزایەتی دەربڕین بەرانبەر بە دروشمی ڕەگەزپەرستانەی پێشکەشکارێک لە کاتی یاریی فوتساڵدا، لەلایەن هێزەکانی ئیدارەی ترۆریستی ئیتلاعاتی ڕژیم گیراوەو بۆ شوێنێکی نادیار گواسترایەوە.
بە پێی وتەی سەرچاوە ٸاگادارەکان، ئەو هاووڵاتییە دوای ناڕەزایەتی دەربڕین بە دروشمە ڕەگەزپەرستییەکانی پێشکەشکار و بە هاندەر خوێندنەوەی ئەو دروشمانە لە هەمان یاریگای فوتساڵدا لەلایەن هێزەکانی ئیدارەی ئیتلاعاتی ئورمیەوە گیراوە.
شایانی باسە کە هێشتا لە هۆی گرتن، ئەو تۆمەتانەی دراونەتە پاڵ ناوبراو و هەروەها شوێنی ڕاگرتن و چارەنووسی ئەو هاووڵاتییە کوردە زانیارییەکی ورد لەبەر دەستدا نییە.