راگەێندراوی سازمانی خەباتی کوردستانی ئێران بە بۆنەی رووداوەکەی گوندە ژۆر

گوندی گوندەژۆر رووداوێکی نەخوازراوی دڵتەزین روویدا کە تیایدا دوو هاولاتی کوژران. ئه‌‌‌و روداوه‌‌‌ بووە مایەی نیگەرانی سازمانی خه‌‌‌بات ی کوردستانی ئیران و هه‌‌‌ر کوردێکی خاوه‌‌‌ن هه‌‌‌ست، بەتایبەت لەم هەلومەرج و قۆناغە  حەستەم و ناسکەی کە کورد بە گشتی و هەرێمی کوردستان بەتایبەتی پێدا تێدەپەڕێ. ئەوەی کە زیاتر داخ دەخاتە سەر دڵی خومخۆران و دەربەستان بە چارەنووس و برایەتی و پێکەوە بوونی نەتەوەکەمان لە هەر چوارپارچەی کوردستان، خۆشحاڵی داگیرکەرانی کوردستان و دژمنانی خوێنی نەتەوە و نێشتمانمان دەسەڵاتە داگیرکەراکانی زاڵ بەسەر چارەنووسی کوردو کوردستاندا به‌‌‌ تایبه‌‌‌ت رژیمی ئاخوندی ئێرانه‌‌‌ که‌‌‌ بە به‌‌‌رده‌‌‌وامی به‌‌‌ دوای بەهانە و پلاندان بۆ دووبەرەکی و ئاژاوەنانەوە و بەر بەست دروست کردن لە بەردەم رەوتی برایەتی و پێکەوە بوونی نەتەوەکەمان بەتایبەت لە وەها هەلو مەرجێک دا کە بابەتی رفراندۆم لە هەرێمی کوردستان لە ئارادایە و وتەی رۆژ و باس و خواسی هەموو ناوەندە بریاردەراکانی جیهانە. شکی تێدانیه‌‌‌ کە ئەو رووداوە شتێکی نەشیاو زیانباره‌‌‌، بۆته‌‌‌ مایه‌‌‌ی دڵه‌‌‌راوکێ‌ و نیگه‌‌‌رانی تێکرایی جێگای باس و دوودڵی نیە. هه‌‌‌ر له‌‌‌ به‌‌‌ر هه‌‌‌ستیاری ئه‌‌‌و روداوه‌‌‌و مه‌‌‌ترسی ئه‌‌‌وه‌‌‌ی که‌‌‌ دوژمنان که‌‌‌ڵکی نابه‌‌‌جێی لێ‌ وه‌‌‌رنه‌‌‌گرن، سازمانی خەباتی کوردستانی ئێران، داوا لە هەموو لایەنە پەیوەنددارەکان و تێکڕای گەلی کورد لە هەر دوو بەشی نێشتمان دەکات ئه‌‌‌و روداوه‌‌‌و نه‌‌‌بێته‌‌‌ هۆی په‌‌‌رته‌‌‌وازه‌‌‌یی و ناکۆکی له‌‌‌ نێوان چین و تۆێژه‌‌‌کان و به‌‌‌تایبه‌‌‌ت رشتنی تووی دوبه‌‌‌ره‌‌‌کی له‌‌‌ نێوان هاونیشتمانیانی کورد له‌‌‌ هه‌‌‌ر دوو به‌‌‌شی کوردستانی ئێران و هه‌‌‌رێمی کوردستان. هه‌‌‌روه‌‌‌ها هه‌‌‌موان هه‌‌‌وڵبده‌‌‌ن بۆ ئه‌‌‌وه‌‌‌ی  دژمنان و داگیرکەرانی نەتەوە و نیشتمانمان بەتایبەت دەسەڵاتی ناڕوا و دیکتاتۆری ئاخوندی زاڵ بە سەر ئێران دا که‌‌‌ڵکی لێ‌ وه‌‌‌رنه‌‌‌گرن.