بۆلاوانی نیشتمانم.

رێبوار حسێنی
رۆڵەی کوردین، سەربازی وڵات
ئێمەی پێشمەرگەی سازمانی خەبات
بە بیری کوردی وا گۆش کراوین،
لە بۆ نیشتیمان گیان بکەین خەڵات.
بە کوێری چاوی دژمن و پەستان
با شەکاوە بێ ئاڵای کوردستان
سەربەستی گەل و رزگاری وڵات
ئامانجی ئێمەی گیان لەسەر دەستان.
کاروانی خەبات وا لە رێدایە
راستە رێ و خۆش رەو بە بێ هەدایە
کیژ و کوڕانی وڵات پارێزم
رێڕەوی خەبات، راستە رێگایە.
وەرنە ناو ریزمان، ریزی رۆڵەی کورد
کوردی خەباتگێڕ ،رۆڵەی رەند ومەرد
تا رزگار ببێ گەڵ لە ژێر دەستی
بژی پێشمەرگە، رۆڵەی پاکی کورد.
دەتەوێ بکەی خزمەتی گەلت؟
بگەی بە رۆژی سەربەستی و هەلت؟
وەرە ناو ریزی سازمانی خەبات
تا رووناکتر بێ ئاسۆی دەم کەلت.
سازمانی خەبات، هیوای چەوساوان
یادگاری زانا و گەورە پیاوان
بەرەو پێش دەبا بزاڤی کوردی
ئێستا دیارە و لەناو ناوان.
بە دەنگی بەرزی ئاشتیخوازی
بە خۆشەویستی و یەک ریز پارێزی
شان بە شان تێکڕای خەباتکاری کورد،
دەچڕین سرود، هەڵدەدەین ئاڵای وڵات پارێزی.
ک . ح رێبوار