خەباتمێدیا: سەندیکاکانی کرێکارانی ئەوروپا خوازیاری ئازادکردنی سپێدە قۆلیان چالاکی مەدەنی زیندانیکراو و ڕەزا شەهابی و حەسەن سەعیدی دوو چالاکی کرێکاریی زیندانیکراو دەکەن و پێداگریشیان لە هەڵوەشاندنەوەی حوکمی زیندانی فەرزانە زیلابی پارێزەری ژمارەیەک لە کرێکاران و خانەنشینان و مامۆستایانی خوزستان کردەوە.
سەندیکاکانی کرێکارانی ئەوروپا لە تویتێکدا نووسیویانە خاتوو سپیدە قۆلیان تەنها چەند سەعاتێک دوای ئازادکردنی لەلایەن هێزە ئەمنییەکانی دەسەڵاتەوە دووبارە گیراوە، و داوای ئازادکردن و هەڵوەشاندنەوەی سەرجەم ئەو تۆمەتانەیان کردووە کە خراونەتە سەری.
