سازمانی خه‌بات ی
کوردستانی
ئێران
پەخشان عەزیزی، ژنە چالاکی کورد و زیندانی سیاسی پێشووی خەڵکی مەهاباد، لەلایەن لقی ٥ی لێکۆڵینەوەی ساختەچی داواکاری گشتی ئاسایشی ئێڤینەوە بە "ئەندامبوون لە لایەنە ئۆپۆزسیۆنەکانی دژ بە دەسەڵات تۆمەتبار کراوە.
بەپێی ڕاپۆرتی تۆڕی مافەکانی مرۆڤی کوردستان، دۆسیەی خاتوو عەزیزی دوای ساختەکرانی تۆمەتە وەپاڵنراوەکانی ڕەوانەی لقی ٢٦ی بێدادگای بەناو ئینقلابی ڕژیم لە تاران کراوە.
پەخشان عەزیزی، ڕۆژی ١٣ی گەلاوێژی ئەمساڵ، لە تاراندا لەلایەن هێزە سەرکوتکەر و بەکرێگیراوەکانی ڕژیم گیرا و بۆ بەندی ٢٠٩ی زیندانی ئێڤین ڕاگوێزرا.
پەخشان عەزیزی لە کاتی گرتنی هەتا ئێستا، لە دەسپێڕاگەیشتن بە پارێزەر، پێوەندیی تلفۆنی و چاوپێکەوتن لەگەڵ خانەوادەکەی بێبەری بووە.
